Die opwinding met die verkoop van ‘n huis kan vinnig afkoel as die koper nie verbandfinansiering kan verkry nie.

Is dit dan die einde van die pad met so ‘n transaksie? Moet beide die verkoper en die koper nou van vooraf begin? Kan die transaksie op ‘n ander manier hanteer word?

Ons kyk na die moontlikheid van 'n “kustingsbrief” of “verkopersverband”. Wat is dit? Kan dit van hulp wees? Wat is die voor- en nadele hiervan?

Verkeersongelukke, beroertes, gevreesde siektes, Covid en soortgelyke gevalle gebeur sonder enige vooraf waarskuwing. Die een oomblik gaan alles voor die wind, die volgende oomblik lê jy in “Noodgevalle” met buise in jou liggaam en ‘n ventilator wat piep. In sommige gevalle kan jy ook nie meer jou wense duidelik maak oor die mediese behandeling wat jy verlang nie.

Dis hoekom jy voor die tyd jou wense oor gesondheidsake en mediese behandeling duidelik moet maak, in ‘n dokument soos 'n Lewende Testament.

Ons regstelsel se “double jeopardy” reël beskerm ons daarteen dat ons meer as een keer vir dieselfde oortreding op dieselfde feite vervolg kan word.

Is dit van toepassing as jy aan beide administratiewe boetes en strafregtelike vervolging onderwerp word?

As jy in 'n Gemeenskapskema soos 'n Deeltitelontwikkeling of in 'n kompleks met 'n Huiseienaarsvereniging woon, hou dan gerus die "Shared Living" tydskrif van CSOS (Community Schemes Ombud Service) op hul Nuusblad dop. Die meeste van die artikels is gemik op Regspersone, Huiseienaarsverenigings en Bestuursagente. Eienaars en huurders sal ook waardevolle inligting in baie van die onderwerpe wat hanteer word, vind.

Klik hier op Uitgawe 19 (Oktober – Desember) en gaan na bladsy 7 vir 'n bondige opsomming (hou jou luidsprekers aan) oor CSOS Connect se aanlyndienste. Tans is daar nog net beperke dienste regstreeks beskikbaar. Die volle ontplooiing van aanlyndienste word vir vroeg 2023 beplan. Hopelik gaan die korrespondensie en interaksie met CSOS net beter en makliker word!