Soos die gewilde ou liedjie dit sê “Dis die wonderlikste tyd van die jaar” – 'n tyd vir die gesin en die familie om saam te wees en om fees te vier. Dit is ook ‘n goeie geleentheid om na te dink oor die reëlings wat jy in plek het vir jou geliefdes se welstand vir wanneer jy nie meer hier gaan wees nie.

Ons oorweeg twee spesifieke vrae wat jy jouself moet afvra, met 'n bespreking oor hoe jy jou boedelplan kan struktureer om hierdie potensiële probleemareas aan te spreek.

Die media het wye dekking verleen aan die onlangse Hooggeregshofbeslissing oor “ouerskapverlof”. Die hof het verlofbepalings in twee wette ongrondwetlik verklaar. Hierdie bepalings het tot gevolg gehad dat verskillende stelle ouers verskillend behandel is wanneer dit by ouerskapverlof kom. Die mediaberigte het gefokus op die “hoekom” van die besluit. Ons gaan hierin kyk na hoe dit in die praktyk behoort te werk.

Dit bly 'n groot versoeking vir gewetenlose werksoekers wat desperaat is vir werk, en ook vir bestaande werknemers wat desperaat is vir bevordering, om hul kwalifikasies te vervals. Die gevaar vir 'n werkgewer om so iemand in diens te neem, is duidelik.

Ons stel 'n aksieplan voor vir werkgewers wat deur vervalste geloofsbriewe mislei of byna mislei word, met spesifieke verwysing na die nuwe kategorie van kriminele oortredings in die vorm van "kwalifikasiebedrog". Ons sluit af met die geval van 'n werknemer met ‘n vals graad wie se voordele in sy voorsorgfonds (wat gewoonlik teen krediteure beskerm is) aan sy werkgewer verbeur word.

“Subpoena duces tecum”

Dit is 'n hofbevel wat die persoon wat daarin genoem word gelas (opdrag gee) om 'n dokument of dokumente of ander fisiese bewysstuk by 'n hof of by ‘n hofsitting aan die hof voor te lê – letterlik beteken dit "onder dreigement van straf, bring die volgende gespesifiseerde item of dokument na die komende hofsitting saam".

As jy ooit so 'n dagvaarding ontvang en jy enige twyfel het of jy kan voldoen, moet voldoen, of genoeg tyd het om daaraan te voldoen, moet jy jou prokureur dringend vir advies vra – dit is 'n ernstige dokument!