|
|
|
|
|
|
 |
|
Hoe om jou kinders se erflating te beskerm en seker te maak dat dit nie in die Voogdyfonds beland nie.
|
|
|
Almal van ons wil ons kinders se welsyn verseker as ons nie meer hier is nie. Daarom probeer ons om finansieel vir hulle te voorsien.
Dit behels egter meer as net die opstel van 'n testament. Jou testament moet reg opgestel word, en ’n belangrike deel hiervan is om minderjarige kinders se erflatings te beskerm totdat hulle (ten minste) agtien jaar oud word. Anders is die kanse goed dat daardie erflatings in die regeringsbeheerde Voogdyfonds gestort moet word. Ons verduidelik waarom dit nie 'n goeie idee is nie, en ons verduidelik hoe oorbetalings na die Voogdyfonds vermy kan word.
|
|
|
 |
|
|
|
|
|
Verhuurder: Jy mag nie jou agterstallige huurder se water en elektrisiteit afsny nie.
|
|
Jou huurders hou op om hul huur te betaal, maar weier hardnekkig om jou huureiendom te ontruim. As eienaar van die eiendom moet jy aanhou om die verbandpaaiemente, eiendomsbelasting, heffings, onderhoudswerk en munisipale dienste te betaal. Die versoeking is groot om self ‘n plan te wil maak met die huurders. Jy sal selfs hul elektrisiteit en water wil afsny en hulle uitkry om te keer dat hulle verder op jou onkostes en in jou eiendom woon. Hierna sal jy dan eerder aan ‘n beter, betalende huurder wil verhuur.
’n Onlangse beslissing van die hooggeregshof wys weereens hoekom dit gevaarlik is om die reg so in eie hande te neem. Ons eindig met 'n nota oor hoekom jou huurkontrak altyd skriftelik, duidelik en omvattend moet wees.
|
| |
|
|
|
|
|
|
|
|
|
|
Ons raak formeel.
|
|
Regsterm : "Fiktiewe vervulling" (“Fictional fulfilment”)
Jy sal hierdie term in kontraktuele dispute teëkom, waar een van die partye doelbewus probeer om die vervulling of nakoming van 'n opskortende voorwaarde te keer, in ‘n poging om van die bepalings van die transaksie te ontsnap. Met eiendomsverkope is dit dikwels die "verbandklousule" wat ter sprake is, waar die hele verkooptransaksie "opgeskort" word totdat die koper se verband toegestaan word. Die koper kry dalk koue voete en frustreer dan doelbewus die toestaan van 'n verband. In gepaste omstandighede kan 'n hof die voorwaarde as vervul verklaar, deur die historiese regsbeginsel van "fiktiewe vervulling van 'n opskortende voorwaarde" toe te pas.
Uit die HAT:
“miljard” s.nw. [die getal 1 000 000 000 of 10⁹] duisend miljoen. Daar is ‘n sterk neiging onder Afrikaanssprekendes om, onder invloed van veral Amerikaanse Engels, biljoen vir ‘n duisend miljoen te gebruik, eerder as miljard. Nietemin, die standaardgebruik in Afrikaans bly steeds miljard vir duisend miljoen en biljoen vir ‘n miljoen miljoen. [Frans milliard]
|
| |
|
|
|
|
|
|
|
|
Uitsluiting
|
Die inligting hierin vervat is van ‘n algemene aard en moet nie as professionele advies gebruik word nie. Geen aanspreeklikheid kan aanvaar word vir enige foute of weglatings of enige skade of verlies wat volg uit die gebruik van enige inligting hierin vervat nie. Kontak altyd u professionele adviseur vir spesifieke en toegepaste advies.
|
|
© DotNews. All Rights Reserved.
|
’n Kliëntskakelingsdiens van
DotNews |
|
|
|
|
