Individue en spesiale trusts sal baat vind by drempel en ander inflasiegekoppelde aanpassings wat in die 2023 Begroting voorgestel word.

Om jou te help om die veranderinge aan Hereregte, Inkomstebelastingkoerse en aftreebelasting te kwantifiseer, deel ons beide die amptelike belastingtabelle en ’n skakel na Fin 24 se begrotingsakrekenaar (volg net die vierstap-proses om jou eie berekening te doen).

Die belastingtabelle dek Hereregte, individue en enkelbedragonttrekkings vir aftrede.

Slaggate is oral te vinde op ons land se paaie. Hoeveel voertuie word daagliks hierdeur beskadig? Hoeveel beserings word daagliks hierdeur veroorsaak. As jy 'n slagoffer sou word, kan jy eis? Is iemand aanspreeklik om jou skade te dek?

Ons spreek hierdie vrae aan met verwysing na 'n onlangse eis wat in die hooggeregshof beslis is. 'n Motorfietsryer het saam met 'n groep motorfietsryers by ‘n pas afgegaan.

'n Slaggat het veroorsaak dat hy geval en ernstige beserings opgedoen het, benewens die skade aan sy motorfiets en aan sy beskermende klere.

Hy het die provinsiale LUR gedagvaar, en hoewel die LUR geen poging aangewend het om sy eis te verdedig nie, moes hy steeds sy saak bewys. Sy oorwinning in die hooggeregshof sal alle slagoffers van slaggate op openbare paaie hoop gee.

Werkgewers en werknemers moet kennis neem van die verhogings in beide die Nasionale Minimumloon (NML) en die “Verdienstedrempel” waarvoor die Wet op Basiese Diensvoorwaardes (WBDV) voorsiening maak, welke verhogings vanaf 1 Maart 2023 in werking tree. Die drempel het ook 'n impak op die beskerming van werknemers ingevolge die Wet op Arbeidsverhoudinge (WAV) en die Wet op Gelyke Indiensneming (WGI).

Ons bespreek hierdie verhogings. Vir diegene wat huiswerkers in hul diens het, verwys ons jou dan na ‘n aanlyn "lewende loon" sakrekenaar wat kan help om seker te maak dat jy jou huiswerker genoeg betaal om die "minimum behoeftes" van 'n huishouding te kan dek

Ons kyk ook kortliks na die voordele en beskerming wat nie meer vir daardie werknemers wat nou bo die aangepaste verdienstedrempel verdien, beskikbaar sal wees nie.

ekonomie :   s.nw. 1. wetenskap wat hom toelê op ‘n studie van die organisasie wat in die mens se stoflike behoeftes voorsien; volkshuishouding 2. stelsel waarvolgens die handel/produksie/ens. beheer word. Bv. ‘n gemengde/kapitalistiese/ kommunistiese/ vrye ekonomie. 3. toestand waarin die handel/produksie/ ens. van ‘n land/streek verkeer: ‘n bloeiende/sukkelende ekonomie. 4. besuiniging; spaarsaamheid; [Grieks: oikos  huis + nemo bestuur]