In die beplanning van ons boedels en die opstel van ons testamente fokus ons tereg op die belange van ons menslike geliefdes. Toenemend dink mense ook aan hul troeteldiere. Wat gaan van hulle word as jy nie meer daar is om na hulle om te sien nie? Ons kyk na drie idees hieroor om onnodige genadedood of ‘n toevlug tot ‘n diereskuiling te verhoed.

Maatskappydirekteure moet 'n lys van verpligtinge nakom. Anders kan hul persoonlik aanspreeklik gehou word vir verliese en skulde van hul maatskappy, of strafregtelik aanspreeklik gehou word vir die maatskappy se optrede. Die hof sou ‘n direkteur ook in uitsonderlike omstandighede as misdadig kan verklaar. Enige persoon wat as ‘n  misdadige direkteur verklaar word, sal dit as 'n ernstige en benadelende klad en sanksie op sy of haar loopbaan ervaar.

Tot nou toe kon skuldeisers nie self aansoek doen om afvallige direkteure as misdadig te laat verklaar nie, selfs al kon hulle hul verliese direk aan die optrede van die spesifieke direkteur koppel. Dit het nou verander na ‘n onlangse beslissing van die hooggeregshof. Ons kyk hierna om te bepaal onder watter omstandighede die hof skuldeisers sal magtig om so ‘n aansoek te bring en wat skuldeisers moet bewys om hiermee te slaag.

Dit is glo algemeen in Suid-Afrika vir mense om meer as een betrekking te hê en dit lyk nie of dit binnekort sal verander nie. Die Arbeidshof het onlangs bevind dat 'n hoogs gekwalifiseerde universiteitsdosent se besluit om 'n tweede voltydse werk te aanvaar, sonder toestemming van haar eerste werknemer, haar ontslag regverdig.

“Copyright” of “Copywrite”?

Hierdie twee Engelse terme word soms met mekaar verwar, en word ook soms verkeerdelik deur speltoetsers “reggemaak” of uitgewys. Alhoewel dit ook in Engels op dieselfde manier uitgespreek word, het dit verskillende betekenisse. "Kopiereg" (“Copyright”) is die bekende en erkende manier waarop ons regstelsel wetlike beskerming bied aan skeppers van artistieke en kreatiewe werke oor hul intellektuele eiendom. Die kreatiewe skepping van verstand en gees. Kopiereg in Suid-Afrika vestig outomaties in jou as die skepper van oorspronklike werke en vereis nie registrasie nie; maar die byvoeging van 'n kopieregkennisgewing met 'n "©"-simbool en die jaar van skepping by jou werk, sê vir voornemende plagiate dat jy ernstig is om jou kopiereg (“copyright”) in jou werke te beskerm.

Wat dan van “copywrite”? ‘n Kopieskrywer "copywrite" - letterlik, "skryf copy" – dit is dus gepaste, soms pittige, bewoording wat deur iemand geskryf word, gewoonlik vir een of ander vorm van advertensies of wat in ander bemarkingskommunikasie gebruik word.