Om 'n gebruikte voertuig te koop sal nooit 'n heeltemal risiko-vrye transaksie wees nie. Wat staan jou te doen as jy jou swaarverdiende geld aan die verkoper oorbetaal het en dit blyk dan ‘n probleemvoertuig te wees. Al terugvoering wat jy dan van die verkoper kry is ‘n "jammer, dit is jou probleem en jou verlies”.

In jou soeke na die beste koper en die beste prys vir jou huis, kan jy dalk 'n aanbod van 'n buitelander ontvang wat graag voordeel wil trek uit ons swak Rand, waarde-vir-geld-eiendomsmark en aantreklike Suid-Afrikaanse leefstyl.

Voordat jy 'n aanbod aanvaar, moet jy (en jou koper) verskeie belangrike vrae oorweeg. Watter beperkings en regulasies is van toepassing op 'n nie-inwoner wat eiendom in Suid-Afrika koop? Wat gebeur as die koper in die naam van 'n entiteit wil koop? Watter bykomende stappe moet geneem word met die ondertekening van dokumente oorsee? Wat is die belasting en ander praktiese implikasies? Ons spreek daardie vrae aan, en meer.

Die onlangse beslissing van die Grondwetlike Hof wat 'n deel van die Egskeidingswet ongrondwetlik verklaar het, het baie mediadekking gekry. Dit is nie altyd duidelik gemaak wie daarvan moet weet en wie nie en op wie dit van toepassing is nie.

“Romeins-Hollandse reg”

Het jy al ooit gewonder waarom regsbeginsels soms in Suid-Afrika in Latyn of in Hollands (vandag Nederlands) gevind en uitgespreek word? Dit hou natuurlik direk verband met ons regsgeskiedenis en die ontwikkeling van ons regstelsel. Romeins-Hollandse reg was die ou Romeinse reg wat gedurende die sewentiende en agtiende eeu in Nederland toegepas is. Die regsbeginsels is in hierdie tyd van die Hollandse bewind in die Kaapse kolonie hier toegepas. Ons regstelsel het natuurlik in die eeue hierna verder ontwikkel, veral met die grootskaalse invoer van Engelse regsbeginsels toe ons deel van die “Empaaier” (die Britse Ryk) was en met die inbring van moderne wetgewing. Ons gemenereg bly egter steeds geanker in die Romeins-Hollands reg. Daarom sal ons howe van tyd tot tyd terugverwys na die oorspronklike Romeinse of Hollandse tekste en selfs die toepaslike beginsels in die Latynse of Hollandse frases direk aanhaal.   

Uit die HAT:

hofsaak s.nw. saak wat in ‘n geregshof dien; regsaak. 

hofsitting: s.nw. handeling/prosedure van ‘n geregshof by die verhoor van ‘n saak.

hofuitspraak:   amptelike/formele stelling/bevinding: vir of teen iemand uitspraak lewer. Die regter het haar uitspraak voorbehou en sal eers na die naweek ‘n bevinding maak. ‘n Duidelike, regverdige uitspraak.  Teen ‘n uitspraak appeleer.