Om deur ‘n egskeiding te gaan, bly 'n deurmekaar en onsekere tyd in ‘n mens se lewe. Ons howe sal altyd toesien dat afhanklike kinders finansieel beskerm word met 'n kinderonderhoudsbevel. Die vraag is dikwels of die finansieel swakker gade persoonlike onderhoud van die finansieel sterker gade kan eis of nie? Hierdie is 'n vraag wat in die hof se regterlike diskresie bly.

Ons kyk hoe die hof se diskresie in praktyk toegepas word met verwysing na 'n bittere egskeidingsgeskil waarin die vrou 'permanente' onderhoud vir haarself geëis het. Die man het 'n teenaanbod van 'rehabilitatiewe' onderhoud vir 'n bepaalde tydperk gemaak. Die ‘skoon breek’ beginsel was van belang by die hof se finale bevinding.

Werkgewers wat nie die probleem van seksuele teistering in die werkplek voldoende aanspreek nie, kan verwag om die prys daarvoor in die hof te betaal. Dieselfde geld natuurlik vir die betrokke oortreders wat hulself aan sulke gedrag skuldig maak.

Ons kyk na die geval van 'n vrou wie se saak oor tien jaar deur verskillende howe aangehoor is. Sy was uiteindelik suksesvol met haar skadevergoedingseis van bykans R4 miljoen. Die werkgewer en die oortreder is "gesamentlik en afsonderlik" aanspreeklik vir die skadevergoeding en vir die betaling van die regskostes.

Ons kyk na die uitspraak en na die faktore wat die hof in ag geneem het. Ons haal die striemende deel van die uitspraak aan waarin die hof die onaanvaarbare optrede van die werkgewer hanteer het.   

Dit is een van die belangrikste funksies van 'n Regspersoon om agterstallige heffings in 'n deeltitelskema so effektief en vinnig moontlik in te vorder.

Daar is ‘n verskeidenheid van invorderingsprosesse beskikbaar. Een daarvan is om by die Hooggeregshof aansoek te doen vir die sekwestrasie van die boedel van die agterstallige eienaar.

Soms is die dreigement van sekwestrasie voldoende om 'n agterstallige eienaar te kry om sy heffings te betaal. Indien die sekwestrasiebevel wel toegestaan word, word die Regspersoon die 'skuldeiser' wat aansoek doen en kan die Regspersoon aanspreeklik gehou word om die 'koste van sekwestrasie' te dek.

'n Onlangse uitspraak van die Appèlhof wys hoe en wanneer so 'n risiko kan ontstaan. Ons kyk na die feite en die betrokke wetgewing en ook na die verskillende invorderingsopsies wat vir ‘n Regspersoon beskikbaar is.

Virtuele vergaderings is hier om te bly. Maak die meeste daarvan met “Optimising the virtual boardroom: A guide to planning and executing virtual board meetings” van Nasdaq Governance Solutions op Moneyweb.

Leer hoe om die volgende te doen–

• "Bou 'n virtuele raadsaal" ("skep virtuele sitplekreëlings" ensovoorts),

• “Foute en probleme op die dag van die vergadering uit te stryk en te hanteer" (Ons het almal al tyd gemors met virtuele vergaderings wat nie ten volle of selfs glad nie aan die gang kon kom nie.)

• Hou die vergadering vertroulik (Belangrik!)

Uit die HAT: vloeikristalskerm s.nw. skerm wat beelde vertoon deur middel van ‘n spesiale vloeistof waardeur ‘n elektriese stroom vloei : ‘n GPS navigasiestelsel met ‘n weerkaatsingvrye vloeikristal-raakskerm.